Wia ma uns derwischt

In unsere zwoa Wirtschaft’n, der boarischen „herzoglichen Taferne“ mit de typischen boarischen Schmankerl aus de Berg und im bisser’l besser’n „Tannhäuser“ gibt’s ois mögliche zum Essen und guad is a no. Mir schau’n drauf, dass as Zeig guad is und aus unserer Geg’nd kimmt. Logisch richt ma’s a immer frisch her. Und wenn’ds amoi wos zum Feiern habt’s, dann passt’s bei uns guad einer.

In der Tafern’ is boarisch g’miatlich. Egal ob beim billigen Mittagstisch oder a bloß bei a na Feierab’ndhoibe. Do bist auf jeden Fall richtig. Und a auf’d Nacht gibt’s oiwei a Schmankerl.

As Tannhäuser is dann doch eher wos für g’spreizte Leid. Stub’n-Musi finds’d do koane, dafür a weng' a klassische Musik und je nach Jahreszeit a sauber’s Essen mit mehrere Gäng’ in a bisser’l an hochwertiger’n Rahmen.
Egal, ob’s d mit der Freindin bei Kerz’n essen mags’t, oder a G’schäftsessen hast, lasst’s es Eich guad geh’. Aber ihr miasst’s vorher an Platz b’stell’n.

Wenn im Fruahjahr d’ Sunn rauskimmt, dann sperr’ma unsern Biergarten auf. Hoggt’s Eich a weng' eina und lasst’s es Eich boarisch guad geh. Unter de Kastanienbam is im Sommer schee schattig. Zuasperr’n doa’ man erst wieder, wenn’s Wetter kurz vor’m Winter nimmer passt.

No wos.... bei uns is auf’m Klo sogar Platz für an Rollstui, da kenna’n Behinderte ohne Probleme zum Biesl’n fahr’n. Und zum Schlafa geht’s mit’m Lift zu de Zimmer nauf.

Mir g’frein uns auf Eicha’n B’suach.