Mir kennan uns aus mit’m Feiern. Wenn’ds an Platz braucht’s, dann seid’s bei uns grad g’recht. Egal ob mit der Sippschaft oder de Leid vom G’schäft, zum Dischkrier’n, Lerna oder wos zum herzoag’n, kleanare Blos’n oder Fest’l mit bis zu 160 Leid... unsere Gaststub’n konn’ma aufteilen, wia ma’s grod braucht und wenn’s sei muass, kenn’ ma’s a zuasperr’n.
Ruaft’s einfach o, des biag’n ma scho’ hi’.

Selber feier’n mir aber a gern und desweg’n mach’ma alle Dam’ lang selber wos, wia a Oktoberfest oder a amoi a Glühweinfassl. Do kennt’s fei a gern amoi vorbeischau’n.

Unter "Wos is los" gibt’s de nächst’n Fest’l und wenn’ds seg’n wollt’s, wia des bei uns aussschaug’t, dann hab’n ma unter "so schee war’s" a paar Buidl drin.

Mir g’frein uns scho auf’s nächste Fest’l... und auf Eich freilich a.